انسحاب

 انت حمار!!

بعد عناء يوم شاق ملئ بالتعب والاجهاد

 هذا اليوم لايمكن ان  يمحى من الذاكرة

 يوم سقوط دخان كثيف على معظم القرية وانقطاع الكهرباء من القرية واصبح كل شئ يعمل بالكهرباء لا يعمل تعتبر الحياة متوقفة .

التحول .

وعند بداية شروق الشمس وبداية اليوم ابتدت الكارثة ابتدت حياة ملئية بكل سئ بل اسوء واظلم وكل ماهو كارثى بمعنى الكلمة.

المصيبة التى سقطت على القرية عند سقوط الدخان الكثيف حولت كل انسان فى القرية الى حمار!

الاسوء.

  ايوة حمار والاسواء تحولت الحمير الى بنى ادمين طب ازى طب الوضع هيكون ازى يعنى كل حاجة هتتبدل هتتعكس .

 هتبقى الحمير اللى  هى فى الأصل بنى ادمين هتخدم الحمير اللى  هى فى الأصل حمير؟

 ياريت المصيبة فى كدة بس أكيد الحمير هتنتقم من اللى كان بيتعمل فيها

   ايوة كنا بنقسى عليها ونشقيها ونشيلها اكتر من تحملها 

ولو الحمار اعترض ولو بالصوت يضيرب مينفعش يعترض 

ياااااة كل دة هيحصل فينا دية كارثة .

 دة هو صنف واحد ياكلة وكمان كنا بنعلقة فى رقبتة عشان ياكل وهو بيمشى ماهو مينفعش يستريح لازم يخلص المطلوب حتى لو فوق طاقتة مرات.

 دة حتى شرب المية لو افتكرنا نبقى نشربة.

 لا لا دة الموت ارحم دة كمان لما كان الحمار يقف مش قادر يمشى من  الحمل كنا نضربة بالكرباج .

الاحساس حق للجميع.

مكنش حد بيتعامل على انة بيحس ولا من حقة يستريح شويه

 او ياكل وقت مايجوع او يشرب وقت مايعطش كان وقت الاكل والشرب احنا اللى بنحددة .

  للدرجة ديه كنا كابنى ادمين مافيش احساس كنا مجردين من نعمة الاحساس والرحمة .

طب ايه العمل مين هيقدر يتحمل اللى كان بيتحملة الحمار ؟

وكمان من غير اى وسائل ترفيهة إذا كان الاكل والشرب كنابنقدمة لما نفتكر  فعلا نستحق العقاب .

 احنا كنا جبارين كنا بنتكلم ونعبر عن مشاعرنا وعندنا وسائل كتيرة للترفيه ووسائل للاعتراض بجد كنا جبارين متجردين من صفات الإنسانية وهى الرحمة  والاحساس بالغير .

اتعلمنا من الدرس.

 يارب سامحنا وارفع غضبك عنا  يارب توبنا اليك يارب نفسى نرجع بنى ادمين خلاص اتعلمنا الدرس . 

الدرس ان الحمار بيتحمل عن الانسان وبيعمل المطلوب منة من غير شكوى .

 واتعلمنا ان الاحساس موجود عند كل المخلوقات .

واتعلمنا ان اللى ماحبوش لنفسى ماحبوش لغيرى .

واللى اتمناة لنفسى اتمناة لغيرى .

الفرحه .

 وجاء صوت ليصحى الرجل لقد كان يبكى وهو نائم من الخوف  الحمد الله كان حلم لا انة كابوس ولكن تعلم الدرس من الحلم ان جميع المخلوقات انها كائنات تشعر مثلها مثله .....