مراحل العمر
حكاية عمر دية حكايتنا كلنا حكاية كل انسان من الطفولة الى مايشاء الله الحكاية باختصار بتحكى العمر وكل مرحلة بمشاعرها وتفكرها ووقتها مع اختلاف البيئه والظروف المحيطة بكل شخصية .
مرحله الطفوله .
الطفولة اجمل احساس واكتر وقت تقدر تظهر فية مشاعرك واحاسيسك علشان كدة اسمها الطفولة البرئية .
اكتر وقت تقدر تقول اللى جواك من غير ماتعمل حساب حد يزعل او يفهم غلط او الكلام ياخد محمل غير مقصودة تعرف تكرهة وتحب برحتك تقدر تغضب وتعيط برحتك تقدر تظهر مشاعرك برحتك .
مافيش تخطيط فيه تلقائيه فى كل حاجة والمرحله ديه خاليه تماما من المشاكل .
بدايه تحمل المسئوليه .
وتيجى مرحلة بدايه نهايه الطفولة تبتدى المرحلة ديه مع بدايه تحمل المسئوليه هينام بدرى عشان يصحى بدرى ويروح المدرسه .
مش هيلعب براحتة علشان لازم يذاكر مش عايز يعمل الواجب بس لازم يعملة.
يأجل اللعب اللى بيحبه عشان يعمل اللى عليه وبعدين يلعب .
تبتدى براءة الطفولة تتلاشى بالبطئ ويبتدى الطفل يخطط ازى يتهرب من الصحايان بدرى ومرواح المدرسة يعمل نفسه تعبان والخطة تنجح .
يبتدى يفكر ازى يدافع عن نفسه علشان جاب نمر مش حلوة .
يبتدى يرمى من مسئوليته على مسئوليه غيرة مثلا الميس مشرحتش حلو وخطوة وبعدها خطوة البراءة والتلقائيه تختفى مع تقدم المراحل .
مرحله التمرد .
وتبتدى مرحلة المراهقة والتمرد ودايرة معرفة المجتمع والناس توسع والمرحله ديه بيكون الحكم فيها على الظاهر والمظاهر .
بناء المستقبل .
تبتدى مرحلة تكوين المستقبل وديه اصعب مرحله وفيها بتزيد المسئوليه مع الضغوط بتكون المرحلة ديه ازحم مرحلة بحكايتها الكتيرة وتفاصلها بالحزن والفرح
مرحله الاستقرار .
تبتدى مرحلة الاستقرار والنظرة بتبقى مش على الظاهر .
طبعا مع مرور كل مرحله بتمر بتجارب وناس مختلفه وبتتعرف على الوفاء ، والخيانة ، والفتن، ومع الوقت قرارتك ونظرتك للامور بتتغير .
بتاخد المواضيع كامله وبتعرف تقرا الناس من التجارب اللى مريت بيها.
مرحله الحكمه .
وتبتدى مرحلة الحكمة والرزانه المرحلة ديه لما تبتدى تنتهى من المسئوله اللى عليك بتكون عندك خبرة .
اكيد بسبب تجارب عشتها بس لما تيجى تنقل خبرتك ديه مثلا لشاب لسه فى مرحله المراهقة ونظرتة للحياة غير نظرتك هيختلف معاك مش قلة تقدير منة لاء
بس لازم ياخد دورة الحياة .
الدايرة بتضيق .
تبتدى مرحلة الشيخوخة مرحله الهدوء والتأمل طبيعى مع تقدم العمر ومافيش مسئوليه وبدايه انشغال الكل بحياته يبتدى التأمل والتدبر اكتر وتبتدى ديرتك تضيق .
ويصبح طموحك فى الحياة هو ان الديرة متقفلش عليك وتتنسى فى مشاغل حياة اللى حواليك .
لان ببساطة نفس عدد ساعات اليوم بتاعت كل مراحل العمر هى هى نفس ساعات مرحلة الكبر بس الفرق .
الكل بيشغل وقته تبع ظروفة مرحلة عمرة فطبيعى الوقت بيمر .
يااما بتكوين نفسه ياما بمسئوليته على اسرتة واولادة ومشاغلهم وحكايتهم
فالوقت يمر دون الشعور به اما مرحله الشيخوخة فالوقت يمر ببطئ
ولايملك غير التأمل والانتظار ويصبح مثل الطفل لايريد غير الحب والاهتمام .
لكن الطفل يطلبه بتلقائيه اما الكبير ينتظرة ولايقدر على طلبة .
محزن حقا عندما نصبح كبار ولا نجد من يهتم لإمرانا ولانستطيع طلب الهتمام والرعايه لأدراكنا ان المشاعر لا تطلب
ردحذف