انسحاب

احساس الزمان 

  هى خواطر  اكتر  ماتكون قصه كان زمان  او فى كل الازمان موجود غابه بس مفهاش حيوانات فيها بشر بس نفس طبع الحيونات البقاء للاقوى .

 كان فيه بس فى زمااان بعيد ناس بيتقال عليهم عبيد كلنا عبيد الله بس هما كانو عبيد لبشر زيهم .

الربوت افضل .

يعتبر البديل بتاعه فى زمنا الربوت يعمل المطلوب منه من غير تفكير من غير احساس بالعكس الربوت ممكن يبقى فيه  متابعه ليه شحن او تزيت تصليح  بس اهو ليه حد بيعتنى بيه عشان يكمل .

انما العبيد زمان هو وجودة للخدمه فقط من اى نوع  ومالوش شكاوى  ولارعايه صعب صعب اااوى اللى كانو عايشينه.

البقاء للاقوى .

 وفى زمن  من ضمن الازمان  فيه  رجال بتصارع  وتدرب وتتمرن علشان تحارب حيوان مفترس وسيدة يتفرج ويراهن على مين  اللى هيكسب  علشان  ميزهقش ولا يكون عندة ملل والبقاء للاقوى .

انواع كتيرة .

 فى زمنا الحديث مبقاش الظلم الواضح الفاضح دة بس بقى فيه خبث ولؤم وظلم بطرق كتيرررة اااوى وبقت الناس هينه على بعضها بقى الشعور  والاحساس دة ترفيهه اكيد فى كل زمن ووقت فيه الخير والشر والصالح والفاسد والسيد والعبد بس الاخير دة اتعددت الصور يعنى بقى فيها شكل تمدن شويه عشان تواكب العصر اللى عايش فيه .

انهى وقت اصعب.

 لو عايزة اقارن بين الاحاسيس دلوقتى وزمان ياترى انهى الاصعب اكيد معنديش اجابه علشان ببساطه كل واحد اتظلم هو

 اللى حس بالقهر والظلم وكل واحد احساسه بيختلف على قد ظلمه .

ظلم الاحساس .

نوع من الظلم انك تتعامل على انك ظالم وتكون مظلوم  ومش قادر تدافع عن نفسك .

الحل بتحفر جوة قلبك حفرة تدفن فيها احساسك علشان مش قادر تعبر لان ببساطه الكلام مش هيفيد بالعكس هيضر واهو زمن واكيد هيجى ازمنه ويختلف فيها الخير والشر والظالم والمظلوم

العدل .

 بس الاهم انك تبقى مظلوم مش ظالم علشان فى مرحله مابعد الموت فيه حياة احلى بكتير وفيها كل الحقايق واضحه .