الصورة واضحه .
 |
| الصورة مش واضحه |
الموضوع ببساطه عن طبيعه حياتنا واسلوبنا فى المعيشه وطريقتنا فى تقيم يومنا بأن الحياة عبارة عن عدة مواقف وبنجمع المواقف على هيئه صور ومفروض نرتب المواقف صح علشان نجمع الصورة صح وتطلع الصورة واضحه .
ممكن الصورة بعد ماتتجمع تطلع ناقص فيها حاجه مش مؤثرة مفروض او طبيعى نتغاضى عن النقص دة لانه مش مؤثر .
المهم النقص دة ميكنش فى المضمون ولو نقص يشوة الصورة .
طبع الاغلبيه .
بعض الناس او اغلبيه الناس او الحقيقه فى معظم الاوقات كلنا مش بنشوف الصورة كامله بنشوف الحته اللى جات عنينا عليها
فى اغلب الاوقات بنركز على الحاجه اللى ناقصه ونكبرها لغايه ماتغطى على الحلو اللى فى الصورة وبنسبب مشاكل كتير من الممكن نتفادها ودة طبعا غلط .
وبرضه كتير بتكون فيه سلبيات واضحه وبنعمل نفسنا مش شيفنها بس بتكون الصورة مشوهه وبرضه دة غلط .
امثله بسيطه .
بنت حبه تساعد مامتها روقت المطبخ وغسلت المواعين ومسحت بس نسيت تملا ازايز الميه تيجى الام بكل سهوله
بدل ماتقول تسلم ايديك تعبتى معيا النهاردة تيجى من غير شعور تركز وتبص على الجزء الناقص من الصورة وتكبر حجمه عشان يغطى على الحلو او المجهود او الايجابى فى الصورة.
وتبتدى تسأل ليه الازايز فاضيه ينفع كدة العايز يشرب مالقيش ميه و...و....
مثال تانى ممكن يبقى تلميذ قرب يقفل درجاتة فى المواد بس ناقص كام نمرة كدة نسيب المجهود اللى بذله فى باقى الدرجات ونشوف جزء من الصورة انه اهمل لو كان ركز اكتر لو كان..... لو .....
مثال تانى الزوج جاى يتغدى الاكل اتحط اشكال واصناف بس برد او متسخنش حلو تتلغى اجزاء الصورة اللى فيها مجهود من شراء وتحضير الاكل ويتسلط الضوء على انتى مهمله مش هاين عليكى تسخنى الاكل يعنى . و....و.....
وامثله من ديه كتيرة بتحصل مننا وعلينا فى صور گتيرة يوميا وفى حياتنا مفروض زى مابنبص على السلبى نبص على الايجابى منسلطش الضوء ونكبر الجزء السلبى على الدور الايجابى
نحاول ناخد الصورة كامله او كل جزء يبان مافيش جزء يغطى على جزء هنريح ونستريح ..
فى سلبيات مؤثرة جدا لايمكن التغاضى عنها ممكن نسلط الضوء عليها ونحاول نصلحها ولو منفعش يبقى مينفعش .
وفيه صور فى الحياة لابد ان تكون كامله ولايسمح فيها باى نسب خطأ للضرر المترتب على هذا الخطأ فالابد من اكتمال الصورة .
الخطاء غير مقبول .
ايضأ المهندس فعمله يعتمد على الدقه بيتعامل بالملى ولو مخلاش الصورة كامله نتخيل احنا بقى الكبارى والمبانى ممكن ايه اللى يحصل فالابد من كمال الصورة بالدقه التامه .
وامثله كثيرة مثل القاضى لازم يشوف الصورة كامله وصح بكل تفاصلها عشان يقدر يحكم بالحق .
وامثله كثيرة جدآ فجميع المهن والاعمال لابد من اكتمال ووضوح الصورة .
يبقى فيه مواقف نلتمس العذر ونقدر بعض وممكن نتغاضى عن السلبيات ونتفادى بعض المشاكل ومن الممكن ان تكتمل الصورة بعدها.
وفيه مواقف مينفعش من الاساس ان يبقى فيه نقص بل لابد من اكتمال الصور بوضوح .
وكلها صور فى حياتنا .
طبيعه الحياة ......
الخير.... والشر....الفرح....والحزن ....النجاح .... والفشل ....الحب....والكرهه.... الغضب......والرضا......الغدر.....والوفاء.... الدقه..... والتهاون ...... المهم ناخد الحياة بكل مافيها ونحاول نسلط الضوء اكتر على الايجابى ونحاول نعالج من اخطأنا علشان الصورة تطلع احلى....
مع تمنياتى للجميع بالتوفيق
إرسال تعليق
رئيكم يهمنى