انسحاب

الاختيا صعب .

اكيد الاختيار بيكون صعب لانه ببساطه عبارة عن قرار هتتحمل مسئوليه اختيارك واكيد اصعب اختيار هو اختيار اسلوب حياتك وعليه هتترتب باقى الاختيارات .

اختيار مابعد النهايه

 الصعوبه فى الاختيار انك بتتحمل مسئوليه الاختيار الى مالا نهايه ايوة ااقصد بعد الموت

الحقيقة الاكيدة .

النهاردة دردشتنا عن الحقيقة فى حياتنا لو فكرنا مثلا الحقيقة فى الصداقة ؟
اكيد مش كله صادق والصداقه  بتتغير تبع الظروف  والناس  يبقى اكيد  مش الصداقة هى الحقيقه الاكيدة .


الحب ؟ الحب برضة  بيتغير  تبع  الظروف والناس بتختلف فى الطباع . 

ممكن الحب يتبدل بكرهه يبقى اكيد برضة مش الحب هو الحقيقة  الاكيدة .

الاهل ؟ يمكن  الاهل وصلة الارحام  تبقى هى الحقيقة ! برضة اكيد لا مش الاهل الكل بيتغير  وبنشوف  كل يوم حكايات كتيرة واغلبها بين الاهل وبتوصل لقطع الارحام

 يبقى لاالصداقة  ،لاالحب ، لاالاهل  يبقى مافيش حقيقة فى حياتنا  اكيد ! 

الحقيقه هى .

لا فيه حقيقة بس الكل للاسف  او الاغلبيه بيهرب منها واخر حاجه بيتعمل لها حساب وهى الموت وعند حدوثه  الكل بيحزن ويجيب اسباب عشان يصدق وقوع مصيبه الموت مع انها مش محتاجه لاسباب .

فعلا الموت هو الحقيقة الوحيدة والحقيقة الكل او الاغلبية مش بيعمل لليوم دة .

الاختيار .

 فيه كتير  للاسف اختار  يظلم  ويدمر  من غير  هدف .

وفيه اختار يسرق ، يكدب ، يعمل اى حاجه  فى سبيل هدف ان يوصل لحاجه فى دماغه او  مركز  او يتقرب لشخص على حساب شخص تانى 

المسكين  ميعرفش  انه كلة مكتوب ومش هياخد  غير رزقه فى كل شئ ربنا قسمة  ليه يعنى  ورقته  ملاها  ذنوب

 وفى الاخر مش هيوصل غير للى ربنا كتبه بس  بغباءة  تخيل ان ممكن  يغير  ويعمل حياة على هواة

  ومن كتر  التمادى فى الذنوب نسى الحقيقة انه هيموت وهيتحاسب على كل  حاجة هو عملها كبيرة او صغيرة .

اختيار المبادئ .

وجود الانسان فى الدنيا عشان يعبد ربنا ويعمر مش ليه بس لا المطلوب من الانسان انة يعمر ليه ولغيرة وانه يتعلم ويعلم غيرة

 وانه يساعد غيرة مطلوب مننا نعمر ونبنى مش مبانى بس لا نبنى المبادئ وديه اهم من المبانى

 ونعلمها  لولادنا وهيتعلموها  اكتر لما يشوفوها عملى والكل بيتعامل بيها احنا موجدين فى الحياة عشان نعمرها وعشان نعمل سيرة طيبة لينا تعيش اجيال واولادنا يفتخرو  بالسيرة  الطيبه لان ببساطة مهما طال العمر  ومهما طالت بحلوها  ومرها هنموت اكيد 

الموت هنا مش نهايه ديه بدايه

اختار صح .

 هنتحاسب احنا فى اختبار وكلنا معانا ورقه بنملاها زى مااحنا عايزين وبنختار  ياخير ياشر وكلنا بنحط  نهيتنا فى الورقه على حسب اختيارتنا

  الورقه  عبارة عن حياتنا واللى بنكتبه عبارة عن اعملنا .

مع كل  الضغوط  لازم نصبر عمر ماحد هيوصل لصبر ايوب نختار صح لان الحياة  فيها الحلو  والصعب ومع الصبر هنعدى ونوصل لخط النهايه بسلامه 

علشان خط النهايه دة وهو الموت هنا بنبتدى حياتنا الخالدة بجد .

اختيار مابعد النهايه .

على حسب الاختيار يافيه هنا يارب اوعدنا جميعا مع حبايبنا يااما واعوذ بالله  اللهم ابعد  عنا عذابك  وارزقنا رضاك فيه العذاب الخالد والانسان علية الاختيار ياهنا ياعذاب 

كلنا علينا  واجب مطلوب نعمله عشان ننجح فى الاختبار اكيد فيه صعوبات فى الحياة وعلى قد الصبر والرضا على قد درجتك ومكانك فى الجنة

 ان شاء ربنا يوعدنا صحبه سيدنا محمد عليه افضل الصلاة والسلام .

معلومه معروفه .

لو اسائنا  الاختيار وحبانا  نرجع مع  الندم رحمه ربنا واسعه بيسامح ويبدل الذنوب حسنات ولكن اياك والظلم فالظلم ظلمات وربنا اسمه العدل بيسامح فحقوقه ربنا رحمن رحيم غفور لكن  لايغفر لظلم النفس ممكن تختار  الطريق واسلوب حياتك غلط بس اوعى تظلم علشان لماترجع يبقى الرجوع مقبول ربنا يرحمنا اجمعين ويجعلنا من المستحقين لرحمته .

.يارب ارزقنا جميعا رضاك والجنه.