انسحاب

حياتنا فى الدنيا عبارة عن وقت بنعيشه لغايه ماينتهى وقتنا المحدود لينا .

اهميه الوقت

الفراغ والنكد .

الشاطر يقسم وقته المحدود دة لاسعاد نفسه مش فى الدنيا بس لاء حتى بعد الوقت مايخلص .

اهميه انك تشغل كل وقتك  بالعبادة ،المجهود بالسعى على الرزق    ، الرياضه ديه متعه ممكن متكنش واخد بالك منها .

 لاء  دة كمان ممكن تكون بتشتكى من كتر التعب  مابتصدق تحط دماغك على المخدة وتنام بتشتكى ان معندكش وقت .

وقت الراحه .

طب خلاص تعالى كدة خلى عندك وقت بعد ماتشبع من النوم وتاخد وقت تستريح فيه هيعدى يوم والتانى هتزهق من الراحه .

وقت الفراغ .

 طب تعالى كدة نتخيل ان عندك وقت وكتير هتفكر فى ايه ياترى .

هتفكر فى المشاكل او اى حاجه بتسبب الضيق دة كدة هتبقى انسان نكد .

الاختيار .

اكيد الاختيار مش هيكون ليك هيكون تبع النفسيه والعقل يترجم  بقى هيختار ايه 
ماالوقت طويل وبراحتنا ياترى هتفكر فى الذكريات السعيدة ولا الذكريات النكد ؟

حديث النفس .

اوعى تقول النكد  ايوة بلاش  بياخد وقت اكتر عشان ديما نفتكره بكل تفاصيله .

 كمان بتعيش نفس الاحساس وممكن زيادة شويه ويبتدى حديث النفس لو رجع  الموقف دة تانى كنت عملت كذا  وكنت رديت احسن من كدة  وتبتدى بقى تضايق  انك متصرفتش بتفكيرك  دلوقتى وتضايق  من الموقف نفسه 

 وتفضل تضيع فى الوقت بس لو افتكرت كدة برضه هتبقى انسان نكد .

الذكريات السعيدة .

طب لو فكرت فى الذكريات السعيدة وتسرح كدة فى الايام الجميله بابتسامه فيها اشتياق للماضى وذكريات الماضى وناس كنت عايش معاهم احلى الذكريات .

ياترى احساسك هيبقى مبسوط اكيد بس ممكن يتقلب بحسرة على الايام اللى مش هتقدر ترجعها بأحساسها الرائع .

مع انك كنت وقتها كان شعور عادى جدا 

وكأنه وقت زى اى  وقت  ياترى  ابتسامتك ديه هتتحول وتبقى ازى دة كمان ممكن تتحول  لدموع  يعنى حتى  الذكريات السعيدة هتحولها  لنكد لا  كدة  بجد  اسمحلى  انت فعلا نكد

لاء كدة متهيلى  بلاش  فضفضه  النهاردة وكفايه نكد لغايه كدة ✋

كلمتين وبس .

 هما كلمتين الوقت مهم ولازم تشغله بين عبادة وسعى للرزق وانك تعيش حياتك 

بانك تعمل  ذكرى وسيرة حلوة حاول تسعد اللى حواليك هتحس انت بالسعادة .

 انك متسبش نفسك لوقت الفراغ هيجى  بعدة ملل اشغل وقتك وتفكيرك بالمفيد متفكرش فى اللى مش هيفيدك 

 خليك اجابى عشان تكون سعيد وتسعد اللى حواليك ومتكنش نكد .