الكلام والاحساس .
لما حد بيسمع كلام فى موضوع مؤثر او شاف حاجه حتى لو متخصوش خالص بس بيتأثر بيها اكيد الاحساس بيتغير لو موضوع مفرح اكيد بيشعر بالسعادة ولو محزن بيحس بالحزن دة كمان ممكن يعيط والموضوع اصلا مالوش صله بيه .
 |
| الكلام والاحساس ، جرح الكلام ،صعوبه الكلام |
تأثير الكلام .
الاحساس او الشعور غير الكلام يعنى ممكن الكلام تحوله لاحساس انما من الصعب ان الاحساس تحوله لكلام .
ممكن الكلام يتحول لجرح لان ببساطه ممكن تحس بكسرة نفس وحزن بس مافيش حد حاسس بيك .
صعب الوصف .
لو جيت تعبر عن شعورك مش بيوصل زى ماانت حاسه .
ترجمه الاحساس خصوصا بالحزن والجرح صعبه بتظلم احساسك بوصفه .
سلاح مدمر .
خصوصا الكلام بيطلع زى سلاح بيدمر وللاسف مش بتعرف ترجع الكلام تانى بيخرج ويجرح ويسيب اثر بيفضل العمر كله ويشعرة بالحزن والكسرة لانه بيحفر جرحه جوة قلبه ويدفن احساسه ومحدش حاسس بيه .
متخدش بالمظهر .
يقدر يخدعك يضحك ويهزر وممكن تشوفه متفائل وهو مجروح وحزين واكتر حد كارهه كل شئ بلاش نستهين بالكلام .
الكلام بيجرح الاحساس ولو حولت احساسك لكلام تبقى ظلمته .
المهم اتكلم .
قله الكلام احسن .
حاول تصاحب نفسك اتعلم متكنش وحيد حتى خلى كلامك مع نفسك اكتر من غيرك كتير بيكون التعبير عن الشعور صعب تحوله لكلام هو عبارة عن شعور بس مش هتستفاد حاجه لو حد زعل منك اوعليك .اتعلم .
حتى كلامك لغيرك يبقى من غير تدخل فى حياته يبقى الكلام فى الامور البسيطه .
ولو اتفرض انك تكلم فى مشكله خلى كلامك بسيط على قد ماتقدر واكيد يكون فى الحق خد بالك ممكن من غير ماتقصد تجرح علشان ببساطه انت مش فى ظروفه ولامكانه ولا احساسه فممكن يبقى الكلام يتفهم بمعنيين .
سهل وصعب
الكلام اسهل واصعب حاجه فى نفس الوقت الكلام سهل اوى ويطلع منك بطلاقه وترتيب ومواعظ وحكم من كتر تحبيكه الكلام تحس انه ممكن يدرس بس للاسف كلام من غير شعور او احساس اللى متوجه له الكلام لأن ببساطه ممكن تمر بجزء من مشكلته تلاقى نفسك فى وضع تانى خالص وتبقى غير مهئ لاستقبال الكلام وهنا بتكون صعوبه الكلام .
جرعه مهدئه .
طبعا اكيد الكلام بيفرق خصوصا لو طلع من شخص بيحبك وبتثق فيه اكيد بيهدى بس مش بالنسبه المتوقعه للمتكلم عشان ببساطه مش مكان المتلقى .
اكيد بيكون زعلان وحزين عشانك عشان كدة كلامه من القلب وممكن يعطى جرعه مهدئه .
فاهم نفسك .
اكتر حد هيبقى فاهم وحاسس شعورك هو انت وانت اللى عارف مفاتيح شخصيتك كل الحكايه خد وقت فى حزنك بس متستسلمش اوعى تحبس دمعتك عشان بتخفف من وجعك بس متتعودش على الدموع .
اكيد فى كل امور حياتك بتكون حاطت رضا ربنا وحسن الظن بالله ومع الهدوء اكيد هتوصل لحاجه تريحك .
الندم .
ممكن الموضوع يكون صعب عشان الانسان بطبيعته بيحب يعبر عن اللى جواة او يدافع عن نفسه بس ممكن يفضل ندمان بسبب كلام قاله من غير تفكير مثلا او ضغوط اوى اى حاجه وقتها للاسف مش هيقدر يرجع الكلام تانى ولا ينسيه للناس يبقى مفروض منكلمش من غير تفكير وهدوء علشان منبقاش السبب فى جرح حد ولايبقى علينا حق معنوى ومنندمش
راقى وتحفه احساسك تقبلى منى جزيل الشكر لاسلوبك الراقى👏👏👏
ردحذف