شريك حياتى يعنى الوطن والامان والراحة يعني مشارك معيا حياتي يعني حياتي اللي تخصني او مشاعرى الى تخصنى او احساسي الداخلي .
 |
| شريك حياتى |
ما لوش دعوه بحياتي اللي الناس شايفاها او بتعامل بها لا خالص دي حياه لازم تمشي كده فيها حاجات اجباريه عليك لازم تستمر .
احساسى وشعورى انا .
انما حياتي انا بتاعتي هي اللي مع شريك حياتي احساسي بتاعي انا .
من غيره احساسى ناقص شعورى ناقص يعني يعتبر شريك الحياه بعيد عن المسؤوليه والالتزامات معناه
شعورك كامل احساسك كامل يعني احساس الحياه كامل ومتكامل مع بعض .
لو طرف ناقص يبقى شعورك ناقص لو جات فرحه شعورك بها ناقص او اي احساس جديد بيكون ناقص .
يعنى مشى وخد معاه جزء مهم من الاحساس
يكفي انك مع شريك حياتك بتتكلم من غير تكليف عايز تقول اي حاجه بتقولها وفي اي وقت كفايه كانك بتتكلم مع نفسك .
كل حاجه ناقصه مهما تكون كامله .
شريك حياتك هو اكبر جزء فيك واهم جزء فيك انا عن نفسي شريك حياتي هو اكبر جزء من حياتي هو نورى الداخلى هو الفرحه اللى تخصنى لو ناقص يبقى كل حاجه ناقصه مهما تكون كامله
مش الكل يستاهل .
اكيد مش كل شريك حياه يستحق كلمه شريك اكبر جزء من حياة الطرف التانى الكلمه معناها كبير مفروض يبقى احساسك بكل حلو فى الحياة .
للاسف فيه ناس بتكون اسوء مافى الحياة .
كلمه لشريك حياتى .
بالنسبة ليا انا شريك حياتي يعنى كل حياتي يعنى بالنسبه ليا زى الهواء مش شيفاة بس مقدرش اعيش من غيرة .
عايزة اقوله حاجة.
« اقوله هات شريط ذكرياتى بس نقى الفرح اللى فيه كفايه المر اللى انا فيه
ولا ااقولك هاته كله مرة احلى من الحلو اللى انا فيه
بالمرة عدى على القلب وفكرة خليه يرقص ويتنطط على دموع فرحه نزله
بس ازى ازى وكله اصبح ذكريات مش اى ذكريات لاء ذكرياتى معاك وبيك »
كانت الدنيا حلوة حلوة اوى بس دلوقتى فهمت وقدرت انها كانت مش حلوة بس لاء ديه كانت معنى الحياة .
انت المعنى للحياه .
انت لون الحياه .
انت فرحه الحياة .
انت الضحكه الصافيه من القلب .
انت استيكه حزن الحياة .
انت اهميتى وقيمتى فى الحياة .
ان شاء الله نلتقي في الخلود في جنه النعيم
الحمدالله على وجود الحب فى حياتنا ❤❤
ردحذف