انسحاب

 اعتذارى .

قصتنا النهارده هنسميها اعتذار وتعتبر قصه واقعيه او بمعنى اصدق دي قصتى انا .

اعتذارى

 اعتذار الاول من نفسي

 اعتذر من نفسي عشان اكيد حملتها اكثر من طاقتها بسبب تفكيري واحساسى والاكيد في كثير بكون غلطانه فيها بعتذر من نفسي 

عشان في اوقات كثير ما اقدرتش نفسى وجيت عليها علشان امشي اموري .

 باعتذر من نفسي علشان اكيد في مرور حياتي قصرت ولسه مقصرة فى حق ربنا بس طمعانه فى رحمته وعفوة اتمنى انى استحق الرحمه .

 امنيتي لنفسي ربنا يسامحني ويعوض عليا واكون من النفوس المطمئنه المبشره بالجنه .

 اعتذر من زوجي .

بعتذر من زوجى حياتي لو يوم زعل مني واكيد هيكون من غير قصد بس اللهم لك الحمد متأكدة انه كان عارف غلاوته عندى ازى .

بتمنى لزوجي ربنا يجمعنا في جنه الخلد يارب يارب عن قريب يارب .

 اعتذار من ولادي .

اكثر حد  بعتذر  منهم  ولادي علشان  ببساطه هما حته منى والطبيعى اكون سبب سعادتهم واحساس انى اكون سبب جرح حد منهم احساس صعب  .

الاكيد  في سوء  تفاهم  في التوصيل في بعض الامور  بينا .

بعتذر عشان لو حكمت في بعض الامور غلط وخليتهم يتحملو نتيجه حكمى الغلط معيا  .

بعتذر  من ولادي على اي احساس الم وصل ليهم   مني  وزعلوا مني  ولو لحظه .

 بعتذر على كل كلمه طلعت و جرحت حد  من  غير  قصد بعتذر بعتذر .

 وبتمنى من ولادي قبول  اعتذاري  على قد حبي  لهم  .

بعتذر من أبويا مكنتش معاة فى النهايه سامحنى وندمانه  .

 بعتذر من اي حد ليه حق عليا ممكن ياخذه مني في الاخره باتمنى المسامحه .

النهاية

 بقدم اعتذارى  رسمي واتمنى القبول