انسحاب

 دردشه مهمه الدردشه النهارده علينا كلنا على الانسان واحواله وازاي الكلام او الجدل في الامور او الاحكام الاساسيه 

بيخلينا نستهين ونحكم علي القليل منه افضل من ما فيش وده اكبر غلط واقع فيه الكل .

توجد امثله للجدل مثل .

 المثل الاول الحجاب .

 الجدل الكثير جدا في الحجاب مع ان المفروض ما يكونش في جدل علشان هو فرض علينا واجب التنفيذ بالشروط 

 لكن من كثر الجدل تركنا الشروط وعملنا الحجاب موضه يعني فعلا فيه ناس احلى بالحجاب عن ما تكون من غيره الحجاب .

 عنوان للبنت المسلمه والحمد لله دي حاجه كويسه لكن يا جماعه العنوان ناقص مش الحجاب انك  تداري شعرك و تحطي ميكيب وتلبيسى ضيق وبناطيل وده اسمه حجاب الحجاب مش مفسر والحواجب معموله و موصلين رموش و ميكيب و كل الحكايه لفه شعرك بطرحه شيك زادتك جاذبيه  .  

  الحجاب ليه شروط.

المثل الثاني الصلاة . 

للاسف نسبه مش قليله مش بتصلي واحنا اولياء امور بيكون خايفين على عيالنا وطبعا فيه للاسف الشديد اصلا  اولياء امور مش بتصلي وبتكون وصلو لسن كبير .

 المهم بنحاول بطرق كتير نكلمهم على الصلاه هما مش رافضين  الصلاه كمبدا لكن للاسف  ما تعودتش من الصغر .

ودة أحنا هنتحاسب عليه يبقى ابنك تعبان مترديش تكلميه انه يصلى دقائق علشان يلحق ينام عشان صعبان عليكى .

 لوفكرتى شويه مش هتستحملى تشوفيه وهو بيتقلب فى جهنم بسببك .

 والاكيد هنتحاسب على اولادنا فرض عليك تعلمهم وتبقى قدوة وتحاول بكل جهد ليك اكيد تتمنى ابنك خلود فى الجنه مش العكس  

اكيد هما  مش ناكرين الصلاه هم مش عارفين يوظبو علشان العقاب موءجل وعشان منتظموش عليها وهما اطفال .

  من كتر الجدل والشد والجذب في الصلاه  استكفينا ان المهم يصلى  من غير مانتعلم  شروط صحه الصلاة والوضوء والصلاة فى وقتها .

 ياجماعه ما فيش استسهال في الامور دي في شروط زي ما بندخل على جوجل علشان  اكله عايزين نعرفها  او  وصفه .

 نخش جوجل ونشوف ايه الشروط المطلوبه في الوضوء والصلاة  ترك  الصلاة  من  الكبائر   اللي مايصليش لا يغسل ولا يصلي عليه الصلاة عمود الدين .

الحوار الاسرى .

 فيه حاجات كثيره ابتدت تختفى فى تربيه اولادنا  لازم يكون في حوار اسرى نعرف اولادنا  الكذب من الكبائر ان المؤمن لا يمكن يكذب .

 لازم نعلمهم الاتقان في العمل والضمير بالحوار والكلام ولو ساعه في اليوم .

 الموبايل ماسكينه على طول الاولاد واولياء الامور كله واحد ماسك الموبايل .

 لازم يكون في جو اسرى فيه المحبه والارتباط  لازم يكون فيه مرجع للاهل       مش الموبايل .

لما يكون في حوار وثقه ما بين الاولاد  واولياء الامور .

 الاولاد هايرجعو لكم انتم اللي هتديهم النصيحه من قلبكم 

مش هياخذ النصيحه من بلد ما يعرفهاش او حد ما يعرفهوش من ورا شاشه موبيل .

ابنو اولادكم ابنو عندهم المبادئ والاخلاق  وده احسن سلاح يقدرو يوجه بيه فتن الحياة  احسن سلاح هو الحوار الاسرى    .