تنظيم الميزانيه اصبح من الضروريات حتى نتعايش مع الضغوط وزياده الاسعار فتنظيم الميزانيه اساسى حتى تكمله الشهر وليس الادخار عند فئه كبيره .
 |
| تنظيم الميزانيه |
بعض النصائح
سنقدم في ما يلي بعض النصائح وان شاء الله سوف تفيد ربه المنزل .
- اول حاجه ابعدى عن اى عروض مغريه هاتى اللى يكفيكى ممكن تجيبى كميه زياده هتاخد من بند تانى امشى على قد مطتلباتك .
- ثانيا الاستهلاك ممكن تنظمى شويه فى استهلاك الكهرباء والميه اللى هيتوفر انتى اولا بيه .الاساسيات مش هنقدر نوفر فيها زى الايجار ، النت ،الموصلات .
- حاولى تجيبى حجتك على مره او مرتين بالكتير كل ماتنزلى هتصرفى اكتر .
الصدقه بركه.
يا ستي اول حاجه تعمليها تمسكي المصروف كده وتسمى الله واول حاجة تحوشيها من المصروف صدقه علشان ربنا يبارك وكل واحده تبع مقدرتها وهنبتديها من خمسه جنيه .
تنظيم المزانيه
- خلى على جنب بقى الايجار والميه والنور والفواتير طلعى المصاريف الاساسيه على جمب فى ظرف وابعديه عن ايديك .
- الجزء المتبقي من الميزانيه بقى سمى الله وما تتخضيش ان شاء الله ببركه ربنا هيكفي وتقدرى تمشيى ان شاء الله اول حاجه .
ركزى معيا
المبلغ اللي هيطلع معاكى هتقسميه على 30 يوم المبلغ هو اللي هتمشي بيه الشهر .
هديكى مثال ميزانيه بسيطه وكل واحد يمشى تبع المزانيه بتاعته ولو تقدرى توفرى ياريت اهو تنفع فى فسحه ، مصيف ، لاقدر الله حد تعب ، تحوشى للمناسبات
هبتدى مثلا بعد ماطلعنا المصاريف الاساسيه بمبلغ 2000 ويكون بتاخدى التومين ولو مش بتاخدي التومين فيه 200 هنوفرهم تبقى زبطى بيهم التومين .
ميزانيه ل5 افراد
يعنى انا مش هحسب الزيت ولا السكر ولا السمنه نبتدى ببركه الله والمزانيه ده تنقع ل5 افراد
مثلا لو 2000 على 30=65 وكسور
يبقى ليكى فى اليوم 65 نضربهم فى7 ايام الاسبوع =455 كده هنبتدى تنظيم المزانيه
اولا ماتنزليش تشتري حاجه اكثر من يومين في الاسبوع علشان كل ما تنزلي لازم تشتري يبقى النزول مرتين بس في الاسبوع مش اكثر هديك مثال لميزانيه الاسبوع تكفى 5 افراد
طبعا لو تقدرى توفرى خير وبركه اهو نفسح العيال وانت معاهم مكافاه ليكى تستاهلي والله .
بصي يا ستي لو جبتى زفر ب 150 جبتي مثلا ربع مفروم ب 25 وجبتى فرخه ب 65 ونصف ك لحمه ب 60 كده ثلاث ايام يعتبر زفر ويوم الزفر يبقى معاه طبيخ يقضى معاكى لثاني يوم يعني انت كده يبقى عندك اربع ايام طبيخ في الاسبوع
ويوم مفروم تعملي فيه بشاميل وجنبها بطاطس جنبها خضار يعنى كده خمسه ايام ويومين مشيهم بطاطس محمره عملت عدس عملتى كشرى صنيه بطاطس ويوم مكرونه يبقى انت كده مشيت الايام بتاعتك .
بصي ياستى هتعملي ايه هتقولي 150 زفر و 50 عطاره ارز ، ومكرونه ،دقيق ضبطى العطاره بتاعتك على حسب اللي انت عايزاه في حدود 50 .
وفي حدود 50 خضار بتاع الاسبوع
وبحدود 130 فطار هتجيبي منهم نص لبن فى اليوم وهتجيبي منهم بيض ، هتجيبي فول ، هتجيبي جبنه وعسل اسود
وهتجيبي 20 جنيه منظفات
يبقى انتى كده هتصرفى حوالي 400 جنيه يفضل معاكى 55 جنيه .
خليهم على جنب لاي ظرف من الظروف في يوم زنق معاكى يبقى انت شوفى ال 55 جنيه دول ممكن تزودى بند ناقص عندك ولو عرفتى تخليهم على اخر الشهر يبقى معاكى ايه حوالي اكثر من 200 جميع .
( اتمنى للجميع البركه فى الرزق)
برااافو 💪💪💪
ردحذف