انسحاب

 عايزه ادردش معاكم النهارده فى موضوع هو عبارة عن تخيل انى خايفه من دماغى عايزه اوصف لكم شعوري بدماغي .

تخيل غريب .

متخيله  شكل  دماغى كأنها  اوضه  فيها    كنب بلدي و لمبه  صفراء  زي  بتاعه  زمان  انا مش بحب النور دة  بس ليه الديكور ده  ماعرفش ايه السبب .

بس متخيله  كده  كمان  الاوضه  ضيقه  وفيها زحمه اوى 

 اثنين بيتكلموا  في موضوع  مهم  جدا وبيشدوا  مع بعض  وكأنهم  بيتخانقو 

واثنين ثاني  بيهزروا  وبيضحكو  ولا كأن فيه اى حاجه  ولا مشاكل 

وشايفه مجموعه بتزن وتشوش وعامله دوشه وازعاج جامد  اكتر من الكل 

الكل بيتكلم  في نفس الوقت  ومطلوب مني اني افصل بنهم  وافهم  كل مجموعه بتقول وعايزة ايه .

الخوف 

 تصدقو انا خايفه من حد  قاعد كده  على جنب بعيد  وساكت في عقلي 

شكله كبير في السن ومش عاجبه الدوشه  والزحمه وكمان شايفنى مش عارفه افصل بين كل مجموعة  وافهم  بهدوء  شكلى  صعبت عليه وعايز  يساعدنى .

 بس شكله  مرعب حاسه انه جاب اخره   من الدوشه والزحمه  واللي  بيحصل  حواليه وهيقوم  يموت  الكل

 ايوه انا خايفه منه عارفين خايفه  منه ليه علشان هيموت  كل حاجه الحلو والوحش

 ه‍و فاكر  انه بيريحنى لكن لاء  كدة  هبقى لوحدى  مافيش غير  الخوف معايا 

عارفين الراجل المرعب دة مين .

الزهايمر

 الشخصيه دي الزهايمر خايفه يقضي على الكل ويبقى شكل الاوضه بعد الزحمه والهيصه فضى وفرااغ

 هتكون على شكل صحراء فاضيه مليانه    رمله فيها رياح بتعفر في كل انحاء دماغى   انا خايفه .

ياريت تشاركوني في التعليقات آخر الصفحه  بتتخيلو ايه