انسحاب

 دردشتنا النهارده هتكون عباره عن فقرة وبعدها فيه سؤال .

فقرة وسؤال

 الفقرة الأولى عرض حياتك .

  كل الناس مولوده  بالفتره فيها نسبه من الخير  ونسبه من الشر وكلنا بنكبر  وبتكبر معنا صفه من الاثنين يا خير يا شر  

وطبعا الصح والغلط واكيد في مراحل الحياه بنمر بتجارب  وبنطلع منها بخبرة واكيد برضه بنحكم غلط ونندم على افعال او كلام نتمنى انها تتمحى من قاموس حياتنا  .

 سؤالي لو طلبوا منك حياتك تتعرض على اقرب ماليك ممكن يشوفوها هتوافق ؟ 

 خليك فاكر حياتك هتتعرض  يوم الحساب امام الجميع ومش عرض بس بعدها حساب .

 الفقرة الثانية العنف الصامت .

 العنف الصامت  اتسمى صامت علشان بيكون مخفى محدش شايفه والاغلب بيكون الظاهر عكس المخفى تماما وبيكون ناتج النوايا المخفيه فى كثير من الاحوال 

 اكثر الما واستمرارا وممكن  ان يستمر طول الحياه ناتج من

  الغل ، الخيانه ، الحقد .

 سوء الظن . الحسد  .

 ممكن نقول عليه (ما تخفي الصدور) 

 خذ بالك ده هتتحاسب عليه  .

بسم الله الرحمن الرحيم ( ان تبدوا مافي انفسكم او تخفوه يحاسبكم به الله ) 

من اسباب النجاه يوم القيامه القلب السليم النوايا الطيبه حسن الظن توجد ناس اعملها مثل جبال يجعلها الله هباء منثورا بسبب فساد الصدور .

 بسم الله الرحمن الرحيم ( يوم لا ينفع مال ولا بنون الا من اتى الله بقلب سليم )

سؤالي ياترى  نيتك ايه ؟

حاول على قد ماتقدر تحب نفسك وعشتك ماتبصش على عيشه غيرك وارضى بما كتبه لك الله واحمدة  ودة  احسن علاج .

 الفقرة الثالثه التقرب الى الله

  اكيد التقرب الى الله مش بالكلام لكن بالفعل وحب الخير والعمل الصالح والصادق 

كلنا متفقين أن كل المخلوقات عايشه تحت رحمه ربنا جميع البشر باختلاف الاديان يطلبون من الله عز وجل مايتمنون 

وكل البشر يتمنون دخول الجنه لكنها مش بالتمنى ولكن بالاعمال والتقرب الى الله

  سؤالي عملت ماتستحق به دخول الجنه ؟

قال صلى الله عليه وسلم  قال عز وجل انا عند ظن عبدي بي وانا معه حين يذكرني فان ذكرني في نفسه ذكرته في نفسي وان ذكرني ملإ ذكرته في ملإ خير منه وان تقرب الي شبرا تقربت منه ذراعا وان تقرب مني ذراعا تقربت منه باعا وان اتاني يمشي اتيته هروله