ما كانش قصدي الكلمه دي بتكون على لسان حد بيحبك عايز يرضيك ممكن تبقى سهله في نطقها لكن صعبه فى تقبلها .
بيكون عايز يرضيك وعايز يصالحك بيحاول بكلمه ما كانش قصدي
احنا سبب الوجع
علشان فعلا كلنا بنقع في اخطاء جامده جدا بسبب استسهال الكلمه دي ممكن نوجع وبنغير اقرب مالينا وفعلا ما يكونش قصدنا .
بس للاسف حصل الوجع وبسبب كلام او فعل جرحت حد بتحبه وسببت ليه وجع لدرجه انك تغير فى طبعه .
يبقى متلومش غير نفسك ما كانش قصدك ايوه وندمان ايوه .
بس اتعلم انك تاخذ بالك الكلام مش سهل فيه حاجه اسمها جرح الاحساس لازم تتعود انك .
تفصل بين اللى يخرج من لسانك وبين ضغوطك ركز فى الكلمه علشان احساس الندم صعب لما تكون بتحب حد قوي وجرحته .
حتى لو خلاص الشخص ده سامحك انت عارف جوه نفسك هو سامحك بس مش ناسي لكن تناسا .
وانت بتكون عارف كدة كويس عشان فيه فرق بين النسيان والتناسى وقتها بتندم جامد .
عشان الاذى اللى سببته لغيرك .
اتعلم اللي بيتكسر مش بيتصلح ممكن يتلزق انما يرجع زي الاول لاء .
بسبب كده احساسك بالندم بيكون اشد عقوبه ليك مش قادر تعمل ولا تصلح خلاص فات الاوان .
إرسال تعليق
رئيكم يهمنى