يوم الاجازه بيتحسب تبع الاب لما يبقى اجازه بيكون في تجمع اسرى جميل مليان بالضحك واللعب .
أنت غلط يابابا
كانت اسره سعيد متجمعه يوم الاجازه وكان الاب بيفرح اولادة وجايب لهم الحلويات والحاجات اللي بيحبوها وهم قاعدين وبيهزروا
راحت اصغر بناته قالت يا بابا على فكرة انت غلط وبتغلط
زعل الاب جدا واتنرفز وكل الاسره استغربت من اصغر واحدة اللى عكرت صفو الاعدة وقال سعيد لبنته
يعني في بنت مؤدبه بتقول كده لباباها وهو اللي بيشتغل ويتعب طول الوقت علشان يجيبلك اللي نفسك فيه وما يكونش ناقصك حاجه
ايوة انت غلط
البنت قالت ايوه يا بابا انا عارفه انك بتتعب عشاني انا واخواتي
بس برضه انت غلط ومش بتخاف علينا بص بابا بغضب وكان لسه هيضرب البنت
راحت ماما قالت لها طب قولي بابا غلط في ايه علشان نعرف
قالت يا بابا انا باحبك أوى أوى وزي ما بتتعب علشان توفر لنا اللي نفسنا فيه زي ما انا كمان باحبك ونفسي تدخل الجنه وتدخلنا معاك
بس عمري يا بابا ما شفتك وانت بتصلي او قلت لاي احد من اخواتي يصلي وانا عرفت النهارده ان الاب هيتحاسب على اولاده وعلى نفسه
عرفت النهارده معنى كل راعي مسؤول عن رعيته وزي ما انت بتسعدنا في الدنيا
انا نفسي كمان نكون مع بعض في الجنه ساعتها بابا في كسوف حضن بنته
ووعدها ان يكون قد المسؤوليه وقال لها انا سبب سعادتك في الدنيا وانتى ان شاء الله سبب دخولى الجنه
إرسال تعليق
رئيكم يهمنى