انسحاب

قصتنا النهاردة بتحكى على مش قسمه ونصيب ومفهوم الاهل ان لازم نجوز بناتنا قبل مانموت علشان نطمن عليهم  دة مفهوم غلط وديما بنعلق غلطنا على شماعه قسمه ونصيب .

بدايه الحكايه .

  كانت فاتن فتاه جميله على خلق من اسره متوسطه الحال وكانت في السنه الدراسيه الاخيره واعجب شاب بها  ويدل مظهرة على انه ميسور الحال كان يعمل بالخارج والشكل العام شاب لقطه ومركز ومال وشباب . 

اتقدم لخطبه الفتاه ووافق الاهل بكل ترحاب وفي فتره الخطوبه لحظت فاتن انه يمسك موبايلها وبياخذ وقت .

  

 اكتشفت مع الوقت ان هاكر يعنى يعرف يهكر الموبيل ويبقى كل الملفات تحت ايدة  وعرفت بس الحمد لله تليفونها ما كانش في حاجه يقدر يمسكها عليها  

للاسف هو بيحب يوقع ضحياة ويبتزهم لو اكتشف غلط على الضحيه بيكون يا سواد عيشتها البنت اكتشفت الموضوع .

العريس الملاك .

حاولت فسخ الخطوبه لكن كان  لابس قناع الملاك وكان قدام اهلها الزوج اللقطه المثالي

 لدرجه انهم قالو لبنتهم انت بيتهيالك وصدقوا الملاك اللي نازل من السماء زي ما كانوا فاكرين .

استمرت الخطوبه غصب عن فاتن وعرفت من احد اصدقاءه  وكان  عايز  ينبها انه كان في بيت وقدر في غفله منه يمسك موبايله ودخل على ملفاته وبقى يا هددة .

 هي كانت مصدقاه انما اهلها اقناعهم بانه  غيره اصحاب وبرده صدقوة ماهو بالنسبه ليهم مع اسلوبه يعتبر ملااك .

  هما ناس محترمين وطيبين لكن اتخدعوا وكان نفسهم يجوزو بنتهم لواحد بمواصفاته بالنسبه لهم انسان لقطه .

المهم كانت فاتن محضره رساله الماجستير للمناقشه على اللاب لمناقشتها في الجامعه وقدر فى غفله منها يعطل حاجه فى اللاب واكتشفت بعد ما مشي ان اللاب مش شغال وعرفت ان هو بس كالعاده ما حدش صدقها

 لكن الدكتوره الحمد لله قدرت الموقف واجلت المناقشه وقدرت تفتح اللاب وتصلحه وعرف اللي بيصلحوا ان حد قاصد يعطل الملف فى اللاب سكتت مردتش تكلم علشان عرفت الرد والحمد الله نقشت رساله الماجستير وبتفوق .

 روحت وهى فرحانه ومامتها اسقبلتها وهى   بتقول لها خلاص يا حبيبتي كتب كتابك الاسبوع الجاي بصراحه الاهل مصدقت انه طلب منهم كده وكانت حجتهم عايزين يخلصوا من زن بنتهم .

كسر القلوب .

هما فهامين انها صغيره ومش عارفه مصلحتها رفضت وقالت لاء انا مش عايزاك وصرخت واثرت على رفضها  .

لكن لاول مره باباها يمد ايده عليها وقالها عايز اطمئن عليك قبل ما اموت وعمرك ما هتلاقي واحد بالمواصفات ديه يا بنتي اللى انتى فيه دة  حسد اهدي وهتعرفي ان اللي انت فيه ده اوهام صممت على الرفض

 ابوها قالها خلاص لا انتى  بنتي  ولاانا  اعرفك هو ده اخر كلام عندى 

وفقت فاتن وهي حاسه انها متكتفه مش عارفه تعمل ايه حاسه ان اكثر شخص تكرهه ونصاب هو ده لكن وافقت عشان ترضى اهلها

صدمه الاهل .

 وفعلا جه يوم كتب الكتاب هو واهله وبعد كتب الكتابه على طول يدوب مشى الماذون قعد يزعق بان على حقيقته 

قالها فى تحدى انا عارف انك كرهاني و انا بقى هاوريكى ازاي تكرهيني كويس

 اهلها اتصدموا كلهم كلامه نزل عليهم زي القنابل زعقولو انت ازاي تتكلم كده في ايه

 قال لهم ما حدش له دعوه محدش يدخل بينى وبين مراتى وانا حر وسابهم ومشي

 اكتشفوثاني يوم وهما بيتصلوا على بيت اهله علشان يشوفوا حل في المصيبه ديه قالوله سافر ومش عارفين سافر فين ولا هيرجع امتى

مصيبه طبعا .

 وفضلت البنت  متعلقه لمده سنه وهما بيضورو لغايه لما عارفو مكانه وعلشان يطلق ساوم على فلوس والا يفضحها انه يلفق سبب انه سبها يوم كتب الكتاب

 وفعلا دفعو وطلقها وهي لسه انسه المهم البنت حاطت كلها همها في شغلها ومستقبلها ووصلت الحمد الله  لمراكز محترمه جدا

 واهلها خايفين يتكلموا معها على انها تتجوز تاني وهي قفلت الباب ده والله اعلم لغايه امتى 

وللاسف ياجماعه دي قصه واقعيه بلاش نتخذع في المظاهر ما فيش حد كامل اوى  لما  تلاقي كل الصفات  الحلوه في شخص لازم تقلق 

وفي الاخر ما ينفعش نفرض على اولادنا خصوصا في القرارت المسريه رئينا علشان كفايه احساس الندم .

 ربنا ينتقم من كل راجل كسر  قلب واحده