من غير هويه ومن غير عنوان كلنا كتير بنحس بيأس وزهق وملل وكمان من غير سبب اومتخيلين ان مافيش سبب .
من غير اتجاة ولاهويه .
تخيل لما تبقى ماشى كدة فارد طولك كلك ثقه ونشاط
وفجاءة تحس انك راخى كتافك لتحت ورامى ايدك سايبها حتى مش عايز تمسك مفتاح مافيش مقدرة ولاطاقه لابسط الامور عايز تمشى وخلاص من غير اتجاة ولاهويه .
مكان مالوش حدود .
تخيل نفسك فى مكان فيه وسع وسع جاامد ومافيش حد انت بس لوحدك ومافيش طاقه للكلام مع اى حد .
مش مهم خضرة ، او صحرا ، او سما ، او بحر المهم مكان مالوش حدود عبارة عن فرااغ
وتفضل ماشى كتير ااااوى لغايه ماتتهد من التعب علشان تفرد جسمك ومتقمش منتا مش عايز تعمل أى مجهود ولاطاقه حتى انك تعدل نفسك .
المهم تنااام كتير كتير ااوى مش مهم قد ايه المهم تنام لغايه ماتفوق وتقدر ترجع تانى لطبعتك واحسن .
نشيط وعايز تقوم وفارد طولك وعايز تجرى فى اماكن فيها مناظر واشكال واضاءة وحركه ودوشه وازعاج وزحمه وناس فى اتجاهات مختلفه مش هدوء وفراغ ولاحدود .
حاله طارئه .
شتان بين الحالتين عكس بعضهم فى كل حاجه من حب ، كرهه من احساس بالفرح او باليأس من تفكير صح ، غلط
من نظرتك للحياة والناس فى كل حاجه فى الواقع ورد الفعل فى كل حاله .
كلنا بنمر بالحالتين فى سنين عمرنا اكيد حاله الامبالاة واليأس بتكون حاله طارئه ومش بتكرر كتير بس بتحصل .
ديما للامام .
المهم انها مطولش ونحترم اى احساس نوصل ليه علشان مع سنين العمر بتختلف الحالات مع التجارب .
الاهم بعد كل مرحله لازم تطلع كسبان حتى لو خسرت فى تجربتك
اكسب الخبرة وانك تفهم اكتر
واكيد كل تجربه زى مافيها خسارة فيها مكسب .
الشاطر اللى يسلط الضوء على المكسب ويخلى الخسارة ورا ضهرة وميبصش لورا ويستمر ديما للامام
❤❤❤
ردحذف🌹❤️
حذف