انسحاب

حكاايتنا النهاردة تعتبر حكايه كل بيت فى كل زمن وكل بلد باختصار حكايه وحدة المعاش 

بدايه جميع الحكايات .

كانت بسمه طفله جميله ونقدر نقول كان ليها اكبر نصيب فى اسمها فهى كانت دائمه الابتسام ووشها بشوش .

كانت طفله جميله عاشت طفولتها وكبرت وكبرت معاها حلوتها والابتسامه كمان معاها فى كل سنين عمرها .

بدايه الحياة الاسريه . 

اتخرجت بسمه وزى كل البنات ارتبطت قامت ببناء بيتها هى وشريك حياتها .

رفضت اى شغل واتفرغت لعيالها وجوزها وبيتها وعملت على قدر استطاعتها فى اسعاد اسرتها وكانت اسعد الناس .

 رغم تعب الحياة من ظروف ماديه ومسئوليات بذلت المجهود فى تهيئه الحياة تبع الظروف حتى لو حرمت نفسسها من اساسيات ليها المهم اسعاد اسرتها وهى فى قمه الرضا والسعادة .

فقدت اهم ابتسامه .

كانت سعيدة بمرور الايام والسنين وفرحتها بتزيد وابتسمتها من القلب  بتزيد مع فرحه كل مااولادها يكبرو  .

ووصلو لبر الامان وكل واحد اتشغل فى طريق حياته ومع مرور الايام والسنين فقدت اهم ابتسامه فى حياتها فقدت زوجها شريك حياتها .

استمرت الايام وبسمه على وجها ابتسامه لكن مصطنعه وتغيرت الحياة واصبحت مثل موظف الحكومه طلعت على المعاش .

 محدش محتاج منها حاجه اتبدل الحال واصبحت بسمه هى المحتاجه لاولادها لگن احتياج معنوى مش تعب وسهر وشيل هم .

احساس وحدة المعاش .

كل اللى بتحتاجه سوال احتياج احساس ان لها اهميه او قيمه علشان وحدة المعاش صعبه وديه باختصار حياة كل البشر او حكايه عمر مع مرور كل الازمان .