ايوة متستغربوش من العنوان الضحك من وحى الخيال والاصح من وحى خيالى انا .
تقسيم الضحك .
تعالو نبتدى بتقسيم الضحك وجه عند مين الاول قصدى الصوت المعبر عن الضحكه زى هههههه فى الكتابه اختارنا شكل حرف واحد متكرر اصلا شكله يضحك بس خدو بالكم هنرجع للنقطه ديه وااقولكم اشمعنى الحرف دة اللى بيعبر عن الضحك .
البدايه .
نبتدى من زماااان اكيد الغلبان اللى شايل هم الدنيا يدوب يبتسم كدة من غير صوت ويبقى كتر خير الدنيا اللى خلته يبتسم .
اما الغنى مركز وقيمه بقى فطبيعى يبقى متكبر ويضحك ه ه ه كدة منفصلين عشان محدش ياخد عليهم زى عبدالوهاب كدة .
وفيه ضحكه بتطلع مش انبساط لاء عبارة عن شغل وليها اماكن معينه وكمان مقتصرة على الستات ....ومالهاش كتابه .
وفيه ضحك كدة ليه صوت مقطع زى الميه وهى نزله من القله بتاعت زمان بتكون حلوة بس مالهاش كتابه برضه .
وزى مافيه ضحكه مقتصرة على ستات معينه فيه برضه ضحكه ومقتصرة على بعض الرجاله وممكن تتخيلوها بتكون صوتها عالى جدا وفى الاغلب فى وجود دخان كثيف وبيكونو مش فى وعيهم عشان بتجلهم حاله ضحك مع لامبالاة مع فتح البوء والعين وحاله استغراب عجيبه وبرضه يصعب كتابتها .
وعشان ضحكه الناس المتكبرين هى اللى ممكن تكتب وربنا يعلينا ويوطى انفسنا شبكنا ال ه فى بعضها وخليناها هههههههههه .
انواع الضحك .
وكدة اتعرفنا على انوع الضحك الا وهو
- ابتسامه .
- ضحك تكبر .
- ضحك صوت القله وديه حاجه فخار مخصصه للشرب .
- ضحك ستات معينه .
- ضحك رجاله معينه .
- احلا اصوات الضحك ضحك الاطفال ربنا يرزق كل مشتاق .
ههههههههههههههههههههههههه
ردحذف