انجازاتك أيه ؟

 امشى بيتى ازى فى الغلا دة ؟ الدخل قليل وفيه حجات اصلا ممنوعه تيجى فى خيالنا وبنزقها بالعافيه فعلا مش ناقصه اى زيادة اعمل ايه ؟

حبه حجات .

 بصى ياستى دة حال ناس كتير جدا بس فيه ناس باين عليهم غير كدة .

نفكر شويه اولا لازم نكون عملنا كل اللى نقدر عليه من سعى بعديها بقى ارمى حمولك على الله واكيد هيدبرها .

 بس فيه حبه حجات بتزيد البركه فى الرزق يعنى ممكن ال10 جنيه تبقى بقيمه 20 مثلا .

 اولا الاستغفار كتير بنيه زيادة الرزق والبركه بسم الله الرحمن الرحيم (  فقلت استغفروا ربكم انه كان غفارا • يرسل السماء عليكم مدرارا • ويمددكم باموال وبنين ويجعل لكم جنات ويجعل لكم انها ) .

ثانيا المواظبه على قراءه سورة (الواقعه) .

ثالثا انك تحافظى على النعمه يعنى مترميش اكل فايض متهدريش فى العيش حافظى على استهلاك النور والميه .

رابعا خليكى حسنه الظن بالله انه هيمشيها .

اختبار وجزاء .

 هتمشى اكيد ايام الرسول والصحابه كانو فقرا وفقرا جدا كمان عارفه ان الحياة صعبه بس لازم تعرفى المجهود اللى بتعمليه عشان تمشى بيتك بتاخدى عليه ثواب .

حرمانك من حاجه نفسك فيها عشان ولادك وتمشى بيتك اجر كبير عند ربنا 

يعنى اختبار وجزاء وهتنجحى فيه ان شاء الله والنتيجه اجر عظيم ممكن يكون سبب دخولك الجنه فيه آيه غايه فى الروعه 

بسم الله الرحمن الرحيم .‏

 (‏من يتق الله يجعل له مخرجا ويرزقه من حيث لايحتسب ومن يتوكل على الله فهو حسبه ان الله بالغ امره قد جعل لكل شئ قدرا)

حجات كتير نبقى نتمناها وربنا بيمنعها خير ليك .

ممكن ضرر يحصل يمنعك من خروج مهم الظاهر ليك انه ضرر بس ربنا حاش عنك ضرر اكبر بكتير انت مش هتقدر تتحمله .

خلى دة مقياس لحياتك اجعل الرضى بعد السعى اسلوب حياتك اطلب البركه اكتر من الرزق اطلب الستر والرضا بقضاء الله .

اوعى تنسى فضل الاستغفار والتسبيح .

ربنا يرزقنا جميعا حسن الظن والرضى والستر والبركه فى الصحه والاولاد والمال ويرزقنا رضاة ورحمته علينا اجمعين .