انجازاتك أيه ؟

 اللى محتاجه البيت يحرم على الجامع طول عمرنا واخدين المقوله ديه شماعه علشان نقول الظروف مثلا ومنطلعش صدقه علشان  الظروف هنلاقى البيت ناقصه كتير يبقى البيت اولا من الجامع !

شماعه نعلق عليها غلطنا .

علشان نكون متفقين من الاول المقوله ديه مفهومه غلط  .

 هى اتقالت بس ليها حكايه ومع مرور الوقت الوقت اتنست الحكايه لكن المقوله محفوظه .

 علشان تبقى شماعه نعلق عليها غلطنا اننا مش عايزين نتصدق وبنتلكك بالبيت .

طب ماالبيت عايز على طول يبقى ايه؟َ!

اصل الحكايه .

 نرجع لا  اصل الحكايه صلو بينا على النبى عليه افضل الصلاة والسلام .

كان زمااان القوى بيفرد عضلاته ويبلطج على الضعيف ويشاركه فى ماله غصب واقتدار

 المهم مع الوقت بقى لكل منطقه بلطجى يحمى منطقته من البلطجيه اللى حواليهم وكان ياخد من اهل المنطقه ديه مبلغ شهرى علشان يحميهم 

وكان البلطجى او الفتوة دة مشغل من صبيانه شخص سماة الجامع يعنى اللى بيجمع الشهريه من الناس

 مرة من ذات مرات الجمع جه ياخد الاتاوة من شخص غصب واقتدار ومكنش معاة غير اللى يدوب بالعافيه يكفى بيته راح الشخص دة للفتوة الكبير وشرح ليه حالته راح الفتوة وقتها كان مزاجه رايق وطلع المقوله اللى ورثنها من غير حكايتها وقالى 

اللى محتاجه  البيت يحرم على الجامع .

متكنش بخيل على نفسك .

يعنى زودو واتصدقو على قد مقدرتكم وصدقه المحتاج ثوابها اعظم  اكيد من اللى مش محتاج الصدقه لاتنقص من المال .

 معاك مثلا مبلغ بسيط وتصدقت منه المبلغ قل اة لكن الصدقه منعت عنك بلاء كنت هتدفع فيه اكتر بكتير من اللى دفعته فى الصدقه  الصدقه والعطاء تجارة مع الله

 والصدقه مش مال بس .

 الصدقه منع الاذى  ، جبر خاطر  ، كلمه طيبه 

 بلاش تبخل على نفسك من ثوواب ورفع البلاء وبركه الصدقه بسبب بلطجى كان عندة شويه رحمه وقال اللى محتاجه البيت يحرم على الجامع .