انجازاتك أيه ؟

 شوفى ياست الكل هقولك كلمتين اعتبريهم من ام او اخت اكبر منك سنأ يالابقى تعالى ااقولك .

طريقه كلامك .

بصى حببتى احنا هنتكلم فى حجات كتيرة تعتبر شامله اغلب حياتنا  .

نبتدى ااولا بطريقه كلامك عايزة ااقولك نصيحه اوعى تفتكرى ان لو حد غلط فيكى وانتى رديتى عليه بدل الكلمه عشرة ووقفتيه عند حدة ان ديه شطارة .

 او ان الكل يجى اودامك ويتلاشى الكلام معاكى عشان ردك عنيف وبتوقفى اللى اودامك قبل ماينطق ديه قوة .

لاء ياحببتى انا بقولك اكيد تردى على اللى غلط فيكى بكلام محدود من غير غلط وبشخصيه قويه مش بكتر الكلام او كلام  يجر كلام لاء الرد يبقى بااحترام  من غير غلط 

ولازم تعرفى ان الكلمه بتتحسبى عليها فى الدنيا والاخره والناس متعرفش معدنك غير بكلامك  .

اما ان حد يتلاشى الكلام معاكى من عنف او قسوة او شدة فى الكلام دة غلط .

ولازم ترجعى نفسك كدة الغلط فيكى انتى .

 سيدنا محمد عليه افضل الصلاة والسلام قال فيما معناه رحم الله كل هين لين فى التعامل مش معنى كلامى تبقى ضعيفه الشخصيه 

بالعكس ديما اللى بيغلط فى الكلام شخصيته ضعيفه وبيستخبى ديما ورا الصوت العالى والغلط فى الكلام  انما يبقى اسلوبك فى التعامل والرد بهدوء ودون غلط وبشخصيه فى نفس الوقت انتى بتجبرى اللى قدامك على محبتك واحترامك .

فكرى بطريقتهم .

 تعالى لما ااقولك عيزاكى فى بيتك مع ولادك مش الام بس لاء هتبقى الصديقه والاخت

 ايوة حاولى تتعايشى وتفكرى بطرقتهم عشان تقدرى تعطى لابنك او بنتك الثقه انه يحكيلك على اسرارة من غير خوف

 مع الاحتفاظ بالاحترام ودة مش هيجى غير لما تعطى الثقه لاولادك 

ولو فيه غلط يبقى فيه مناقشه قبل العقاب واوعى تنسى تركزى انك ديما تفكرى اولادك بالصلاة وتعاليم دينه دة هيساعدك فى التربيه كويس وان شاء الله هيبقى سبب دخولكم الجنه .

دينا وصانا بالخصوصيه .

تعالى ااقولك حاجه مهمه اوعى تدخلى فى موضوع مالكيش فيه او تسألى على حاجه متخصكيش او تستفسرى على خصوصيات غيرك صدقينى هتبقى مكروة حتى لو محدش بين ليكى

 دينا وصانا بالخصوصيه .

فى ابسط الامور فى التعامل زى الاستئذان والخبط على الباب لو مقفول فى بيتك

 مينفعش نفتح الباب على طول وفى الزيارة مينفعش تخبطى  اكتر من 3 مرات بينهم فرق ولما الباب يفتح تبقى على جمب او مكان ميكشفش الشقه .

 دة من  اداب السلوك مع تعاليم الدين وديه ابسط الامور الشخصيه فما بالك بالتدخل فى تفاصيل حياة الاخرين .

تعالى ااقولك برضه اوعى تزهقى معلش استحملينى فى النقطه ديه ياريت لما تلبسى الحجاب مالهمش لازمه حبه الشعر الصغيرين  انهم يبانو مش شياكه والله وهتتحاسبى عليهم 

ومالوش لازمه الميكياچ خليه فى بيتك وخلى لابسك شيك ومنسق ومحترم مينفعش ابدا البس بنطلون استرتش او چينز واغطى جزء من شعرى وااقول دة حجاب ولا ابين رقبتى وااقول دة حجاب مش عيزاكى تزهقى منى بس عيزاكى تحافظى على دنيتك واخرتك .

صدقينى هتبقى احلا على طبعتك منغير مكياچ وحلاوة طبعك واخلائك مع احترامك لنفسك ولغيرك بيضيف حلاوة احلا مليون مرة من المكياچ والمكياچ والزينه فى بيتك لنفسك واهل بيتك مش لكل الناس انتى اغلا من ان كل من هب ودب يشوف تفاصيلك .

تعالى افكرك اوعى تنسى تعملى ديما حوار ودردشه مع اسرتك صدقينى هتفرق جدا .

 اتمنى للجميع رضا رب العالمين .