تعالو نتخيل شكل هلامى من غير ملامح شفاف كبير جدا سميك جدا كئيب جدا ونسمى الشكل دة عادى .
ازى كدة .
ايوة اسمه عادى جوة الشكل الهلامى دة حوارات كتيرة اتخيلها زى ماانتى عايز بس فيهم شكل كيوت وجميل زى رسومات افلام الكرتون عينه واسعه فيهم اندهاش وهنسمى الشكل الجميل دة ازى كدة !
صنوته وحشرى .
هو جميل وعينه واسعه بس صنوته وحشرى ويحب يستفسر عن كل حاجه
يجى ازاى كدة جمب اى حوار ويتصنت ويشوف بيقول ايه جوة الشكل الهلامى اللى اسمه عادى دة ويسمع .
انت اللى وصلك لكدة ؟
كدة ايه يعنى ؟
انك واخد الامور ببساطه وبرود كدة ؟
عادى .
اتدخل طبعا ازى كدة
يعنى ايه عادى يعنى مش بتزعل ؟
يرد لاء زعلت كتير واكيد بزعل بس عادى .
معجبتش ازى كدة الاجابه سأل تانى
ازى : طب مش بتفرح ؟
رد اكيد بفرح وفرحت كتير بس عادى .
ازى : عادى ازى يعنى لو زعلت او فرحت الاتنين عادى ولو مافيش الاتنين هتعيش ازى؟
عادى .
حكايه عادى !
هعيش عادى عشان اريحك هحكيلك حكايتى ياازى كدة .
فى حياتى شوفت كتير ومريت بتجارب وفهمت غلط وتفهمت غلط .
وعدت عليا حجات مكنتش اتخيل انى امر بيها !
اكيد فرحت ااوى وزعلت وحزنت ااوى .
بس مع مرور الوقت ضعفت واستسلمت ودخلت غصب عنى الشكل الهلامى وبقى كله عادى .
لابفرح زى زمان ولابزعل زى زمان .
الحزن ملا قلبى وكتير بدارى وعادى لازم تعدى عادى .
ازى كدة : ازى كدة وديه عيشه ؟
عادى .
اتغاظ الشكل الكيوت وابتدت ملامحه تتغير وتختفى خاف على نفسه لحسن ميعرفش يخرج من الشكل الهلامى ويبقى هو كمان عادى .
سأل اخر سؤال طب الحل ايه ؟
رد عادى بابتسامه امل 😊
محدش عارف ايه اللى هيحصل بكرة بس عموما عادى .
ولااول مرة عادى يسأل ازى كدة
مالك فيك ايه شكلك مستغرب ولا ايه؟
بصله ازى كدة بصه غريبه ملهاش معنى ورد ببرود وقال عادى .
إرسال تعليق
رئيكم يهمنى