قصتنا النهاردة بتحكى عن وصف احساس داخلى بيعبر عن صراع بين الشخص ونفسه ولكن فى صمت ويعتبر سر بين الشخص ونفسه ولااحد يشعر به عشان كدة اسمه صرااع الصمت .
صراع داخلى .
تعالو نتخيل صراع داخلى لشخص ما .
فى اوقات بتمر على اى انسان يبقى مخنوق وحاسس انه مظلوم خصوصا لو قاعد مع نفسه كتير .
وفجاءة لما يوصل لدرجه الاكتئاب تلاقى حاجه كدة متعرفش طلعه من القلب ولا العقل ولا الضمير ولا من انهى داهيه تطلع فى نفوخك كدة وتقول طب ماتحاسب نفسك .
اكيد عملت حاجه ودة عقابك وتبتدى فى صراع الصمت مع نفسك وبعدين تفتكر حجات مرت وبسبب نفسيه وظروف وضغوط تلاقى فعلا انت غلطان فى بعض الامور .
القاضى والجلاد .
بس نفسيتك تعبانه مش ناقصه .
وقتها بقى يتنصب جواك القاضى والجلاد ويفضلو يتنابو عليك بقى ويحاسبوك منتى بقيت فريسه وقعت ومحدش سمى عليك .
وتبتدى بقى حوار مع ذكريات مع مبررات وتشتغل غدد الدموع وهرمون النكد .
وتحس انك مضغوط من الخارج ومش ناقص كمان من الداخل وديما الضغط الداخلى بيوجع اكتر .
لاء وكمان لازم يبقى عندك ثبات انفعالى ! علشان دة اسمه صراع فى صمت واكيد محدش هيحس بيك .
مرحله الانهيار .
بس الصراحه لما بتشغل الصعبنه بتلاقى عندك حق فى بعض الامور وفيه غلطات بتتحاسب عليها وملكش ذنب فيها وقتها بتوصل مرحله الانهيار
عند الوقت دة تيجى رحمه ربنا تفوقك وتحس ان العقل عقل !
وحب يريحك ويقولك قول الحمد الله وحاول تخفف شويه من الندم على الحسرة على احساس انك ظالم ومظلوم حتى لو محاولاتك فشلت اهو اسمك حاولت .
ومتسمحش للاحاسيس المتناقدة ديه تجتمع مع بعض عشان فيها دمار ليك .
خصوصا لو كنت فريسه ومظلوم اكتر ماتبقى ظالم ومن غير قصد .
وافتكر اكيد ربنا حاسس بيك وفاهم قصدك واكيد الراحه لما تفكر فى عدل الله فى الحساب بيحسبك على اخطائك بس وكمان يخفف تبع نوايك .
غير حساب البشر ممكن تشيل فاتورة غيرك وبالظاهر مش بالنويا .
يكفيك من نعم الله انه الوحيد اللى حاسس بيك من غير ماتتكلم .
إرسال تعليق
رئيكم يهمنى