انجازاتك أيه ؟

 هبدأ كلامى بااللهم صلى وسلم وبارك على سيدنا محمد عليه افضل الصلاة والسلام 

معنى الرضا انك تبقى عندك امل وتحاول توصله وتسعى على قد مقدرتك  والمقسوم ليك ترضى بيه وتبقى فرحان باللى فى ايدك وتحمد ربنا عليه وتحس انك فى نعمه .

يعنى ايه اسعى ؟

 

ومعنى السعى بذل كل ما فى وسعك من مجهود للوصول للاحسن .

وقتها هتعرف ان الرزق دة مقسوملك وترضى وتبقى سعيد به وتبقى فرحان ان بمجهودك وفضل ربنا انك وصلت للى معاك مهما كان وربنا هيحطلك البركه طول منتا حمدة .

حبه امثله .

لو انت مروح وجبت لاولادك دسته جاتوة كالتو واتبسطو والعيال فرحانه انك جبتلهم حاجه حلوة وتحس انك فرحتهم هنا السعادة

 

احسن ماتجيب نفس الدسته من المحل الفلانى عشان اغلا واحسن من فلان بس كان نفسك تجيب من فلان بس مش قادر لانه اغلا بس هتحاول تجيب منه لو تقدر .

كلمه بس .

وفى النهايه ضيعت فرحتك باللى جبته عشان حطيت كلمه بس والمفروض انك عايز تفرح ولادك بحاجه حلوة 

مش تتمنظر او تحس انك اعلا او ااقل من حد ضيعت الفرحه بسبب كلمه بس 

افرح علشان تعبت واجتهدت ووصلت لحد المقسوم ليك وارضى هتحس بالسعادة ببساطه .

كل ماهتبص لفوق هتكتشف ان لسه فيه فوق وهتنسى انك سعيت على قد مجهودك ودة مقسوملك هتنسى طعم السعادة وتفضل باصص لفوق وفوق وفوق ولازم تفرق بين الامل والطمع .

زى اللى جاب عربيه وفرحان غير اللى جاب عربيه بس نفسه فى الاحسن 

 او اشترى شقه بس نفسه فى بيت 

او اشترى بيت عايز فيلا او قصر 

 زى اللى عندة كل حاجه بس زعلان عايز ياخد جنسيه تانيه غير بلدة .

فوق ومتبصش فوق افرح وارضى انت عملت اللى تقدر عليه حلاوة الحياة فى بساطتيتها 

ولازم نفرق بين الامل والطمع ونرضى بالمقسوم  وعلى رائ المثل 

ارضى بحالك الدنيا تحلالك