من غير مقدمات هو سؤال سألته لنفسى وحزنت من الاجابه السؤال هو ايه انجازتك ؟
بعد مرور58 سنه؟
الاجابه معرفش!
بس فكرت شويه يعنى ايه انجاز ؟
الانجاز يعنى عملت حاجه تضيف لتاريخ او لعمرك فخر ولرصيدك فى اخرتك .
وافتكرت على طول قصه ام البنات هى حكايه مشهورة وجات فى التلفزيون بس انا مش فاكرة الاسامى .
القصه باختصار زوج وزوجه اتحرمو من نعمه الخلفه انجتازهم انهم غيرو اللى اتحرمو منه لنعمه وفايدة ليهم ولغيرهم اتكفلو ببنوته وحابو يجيوبلها اخت اتكفالو تانى عجبتهم الفكرة لغايه لما اتكفالو ب30 بنت
ربنا كرمهم واخدو بيت اوسع والانجاز الاكبر انهم وصالو البنات لمراحل متقدمه او اعلا الشهادات من طب وهندسه
الانجاز انهم غيرو مصير 30 بنت لوضع احسن واشبعو عندهم غريزة الام والاب
واكيد ال30 بنت هيتجوزو ويخلفو ويحكو لاولادهم على حكايه الام والاب البديل وهيدعو ليهم كتير .
انجزو رصيد لاخرتهم ماشاء الله كتير .
احسن من ناس وانا منهم ربنا انعم عليهم بالاولاد بس فين انجازى فشلت فى حجات ونجحت فى حجات عادى جدا
بعد 58 سنه بسأل نفسى ايه انجازى يعنى ربنا لمايحاسبنى ايه اللى قدمته ؟
عشت عادى وهموت عادى مافيش انجاز يتحكى بيه وليا عيوبى وحسناتى عادى .
دة غير تقصيرى فى حق ربنا ماشى بصلى وبصوم بطلع صدقه وزكاة دة عادى .
فين الانجاز انا ايه جمب حفظه القراءن اللى حفظ القراءن دة انجاز .
واللى بيحفظ انجاز اكتر .
واللى بيتكفل بيتيم فيه انجازات كتييير اوى بس انا 😯
بجد انا اسفه لنفسى معملتش رصيد لااخرتى وطمعانه فى رحمه ربنا عارفه ان الكل هيتحاسب برحمه ربنا .
بس لما تكون انجزت حاجه بيكون افضل خصوصا الجنه درجات
عموما بتمنى على دخول سنه جديدة ان اولادى واحفادى يكونو من محبين الصلاة فى وقتها ويكونو من حفظه القراءن .
وبتمنى ليا انى على الاقل احفظ اجزاء من القراءن وقتها هحس انى انجزت حاجه انا حاسه انى فاشله .
حسبت نفسى متأخر للاسف .
إرسال تعليق
رئيكم يهمنى