انسحاب

 كانت الاسره متكونه من الزوج والزوجه وهم في انتظار اول فرحه لهم طفلتهم الاولى ومشتاقين لرؤيتها مستعدين لزياده الاسره شخص جديده وكانت الضيفه اسمها امنيه 

أمنيه وحيدة .

 كانت امنيه جميله جدا زيها زي بقيت الاطفال عباره عن ملاك صغنن ابوها كان سعيد جدا خلاص اصبح اب لبنوته جميله وسمها امنيه عشان كان ناوى يحقق اى امنيه تتمنها وكانت الام مبسوطه وسعيده ببنتها وهي بتكبر يوم بعد يوم وشهر بعد شهر .

 حتى جاء يوم مشوءم عند موت الاب بسكته قلبيه مفاجاه وهو لم يشتكي من قبل .

 أتقلب الوضع من سعاده فى لحظة لتعاسه وكانت امنيه عندها في الوقت ده ست شهور حين توفي والدها .

غصب الاهل على الزواج .

 

نوت الام على استمرار حياتها لبنتها ورفضت الزواج لكن اهلها معجبهمش الوضع وخصوصا انهم من الارياف وكانت تعيش ام امنيه مع بنتها في القاهره فى بيت زوجها

 غصب الاهل على ام امنيه بالزواج من مطلق وكان معه ولد في حضانه امه وفعلا تزوجته

 في بدايه الامر كان يعامل امنيه بحنيه خصوصا انها طفله صغيره وكانت جميله تاخرت ام امنيه سنتين على الانجاب منه

 ولكن تبدل الحال عندما انجبت له توئم من الاولاد وقتها تغيرت المعامله للبنت وكان بيخاف انها تقرب منه ولاده كان يشخط فيها لولقاها جنب حد من الاولاد 

وكل ما يمر الوقت كانت مامعاملته تزداد سوءا و كان يجيب الحلويات لاولاده انما البنت لاء 

 كانت أمنيه بتحب انها تلفت النظر فكانت تعمل شقاوه زيادة كانت تعيط وتزن كتير فكان بيضربها وامها ما تقدرش تدافع عنها

مش عيزها فى بيتى .

 وفي يوم راجع من شغله وشافها وهى بتاخد اللعبه من ايد اخوها ولما اخوها الصغير شاف ابوة زاد في العياط

 فغضب ابوه وصمم على طرد البنت من بيته وطلب من امها انها توديها لستها او اي حد من عمامها او خلانها وكان عمر البنت في الوقت ده اربع سنين 

اكيد في السن ده الطفل بيعيط في عدم وجود امه وليه طلباته الخاصه 

كان كل بيت يا دوب يتحملها اسبوع او اثنين  بالكثير والبنت كل مادا بتزيد شقاوه وزن وعياط

 عند رجوعها لبيت امها بتزيد المشاكل وكان الزوج يضرب البنت ولما كانت  امها تقول له ان كافل اليتيم له اجر عظيم حرام اعتبرها بنتك  قال لها ماشي

 انا ممكن اتكفل بيها بس مش فى بيتى وديها اي ملجا وانا اتكفل بمصاريفها ودة اخر كلام عندى وعموما براحتك اختاري يا أنا يا بنتك

 والام ظلت في حيره من امرها تختار بنتها وتحرم الاولاد من ابوهم ولا تحرم البنت وتبقى اتحرمت من الاب والام في ذنب هي ما لهاش ذنب فيه

 انتظرونا الجزء الثاني