انسحاب

 بصو بقى ياجماعه هندردش النهاردة على فوائد الفقر ايوة اكيد ليه فوايد اومال ايه .

ماهو مش هيبقى نكد نكد على طول اكيد فيه ناحيه ايجابيه احنا مش واخدين بالنا منها . 

حبه فوائد على الماشى .

امثله دماغك مشغوله بحجات بسيطه مش مشحطط نفسك فى كذا حاجه كل همك ازى تمشى يومك .

بتطلب ديما الستر يعنى متعلم التواضع اللى عكسها الطمع معاك كتير هتبقى متطلباتك اكتر واكتر وهتشغل دماغك اكتر وكل همك تشبع رغباتك اللى مش هتخلص من الزيادة فى الطلبات .

يبقى مش هتعرف تنام زى الفقير بسرعه افكارة متواضعه زى عشته وبرضه الغنى افكارة كتيرة على قد اللى معاه .

 كمان الغنى عندة عدم ثقه بنفسه ديما بيفكر ان اللى حواليه عشان مصالحهم مش محبه .

 اما الفقير عندة ثقه فى اللى حواليه من حبهم لنفسه ، الفقير عايش بأمان مش خايف من سرقه او خيانه . انما الغنى معندوش الامان ماشى بحراسه يااما بودى جاردات يابكلاب ياديما حريص او خايف .

الفقير مش بيخاف من الموت ولا شايل همه كل همه حساب ربنا .

اما الغنى خايف يسيب المتع والثروة وهيسبها لغيرة ازى عندة  حب الملكيه وياترى هيحفظو على الثروة ولا لاء والتفكير  مش بيسيبه .

كمان الفقير ولادة خايفين عليه محبه ليه مافيش فيه ذرة طمع عايزينة يعيش بركه عندهم .

 اما الغنى ولادة بيحبوة اة بس احتمال وجود الطمع فيه موجود وممكن كمان امنيه انهم يورثوة موجودة . 

ممكن اوى يكون الغنى الغلبان

الفقر نعمه للراجل .

طبعا  الكل عارف لما الراجل يكون معاة بزيادة بيحب يبقى عندة الارقام الزوجيه فى الزواج  و بيحرص بشدة يكمل العدد كومبليت انما الفقير نفسه يكمل نص دينه بس بيرضى بالنص فقط وبيتنازل عن باقى العدد  وكمان نظرة بيكون شديد شايف كويس وقفه زوجته معاة وقت الشدة وبيكون عندة تقدير حاسس بيكى اوى انك حرمه نفسك من حجات عشان فيه اولويات .

لما بيتغنى نظرة بيقوى اكتر ويشوف عيوب لاترى بالعين المجردة وبيحس انه قدرك بما فيه الكفايه .

مراجعه على الفوائد .

يبقى تعالو نراجع الفوائد بيحب الستر ، قنوع مرتاح البال ، محبوب فى الكبر ، راضى بزوجه تشاركه حياته مش غاوى شحتته كمان عندة ثقه فى نفسه ، كمان الفقير عند احساس بالامان .