اعملو ذكرى حلوة لاولدكم ايوة اسمعو كلامى انا تيته جايه من المستقبل .
النت والتكنولچيا .
بقول لكل مامى صغيرة اعملى ماضى لاولادك جميل اعملى ذكرى حلوة لما يكبرو بعيدا عن النت والتكنولچيا اعملى غذاء للروح .
علشان بكرة هتبقى مكانى فى المستقبل انا بقولك مافيش بايدك حاجه وقتها غير الفرجه بس الفرجه فى صمت .
لما تكبرى هتقولى ياريتنى لعبت معاهم وعشت سنهم وخرجنا كتير مش لازم خروجه مكلفه هتبقى احلى لو فيها ضحك ومحبه وحنيه .
احكى حواديت كتير خليهم يتخيلو ويعيشو الخيال الجميل .
خلى عيالك يختلطو مع اصحابهم وقاريبهم علشان لما يكبر حتى لو الحاضر بتاعه مش ولابد او ضغوط الحياة واللجوء لجوجل والنت يبقى اسهل من الكلام مع البشر يبقى عندة ذكرى حلوة مع اغنيه يسمعها تفكرة بذكرى جميله بلعبه معاكى وفسحه فيها ضحك ولعب .
الماضى بتاعهم .
الذكرى ديه فى المستقبل بيكون ليها طعم تانى احلا من حدوثها فى وقتها متحرموش عيالكم من الماضى بتاعهم لما يكبرو
اتفرغو ليهم اكتر اتكلمو معاهم كتير .
النت بقى يشغل الاطفال والاباء عن بعض بنسبه كبيرة وكل مايمر الوقت بتزيد اكتر واكتر وبتبعد المسافه بين اولادك وبين التعامل مع اى حد .
هيبقى حابب حياته الافتراضيه من لعب ومغامرات وهو فى مكانه بيدوس على زرار بيحقق ليه طلباته هو ميعرفش ان الجو الاسرى احلا الف مرة وان اللعب معاكى احلا
هو دة اللى هيفتكرة فى المستقبل وهيحن ليه اكيد مش هيفتكر لعبه ولا مغامرة على النت .
المهم ناخد بالنا علشان مع الوقت مش هيبقى فيه حوار بين الابناء والاباء اللمه الحلوة بتختفى وبتكون فى المناسبات بس نصيحتى خدو بالكم واعملو ماضى لاولادكم .
حياتنا افتراضيه .
علشان فى المستقبل نسبه البعد بتزيد يعنى ممكن من غير مانحس تبقى حياتنا افتراضيه عيشناها من ورا شاشه مش على الطبيعه خلى ديما عندهم ذكريات ممتعه .
😍😍انا بحب اتابعك جدا
ردحذف❤️🌷
ردحذف