فعلا استاذ المشاعر العظيم الفنان القدير صلاح جاهين عبر بكلمات تبان بسيطه لكنه صور الواقع فى بعض كلمات وهى تمثل كل أم وأب بما يتمناة من اولادة اللهم اجعل اولادنا من الذريه الصالحه واجعل منهم الذريه الصالحه .
ويجرى العمر ويسافر .
و يجري العمر و يسافر ...... بدون ترتيب
وتنسانا حاجات حلوة .. وحاجات بتغيب
ونلقى ضهرنا الواقف ......... بقى محني
ونلقى نفسنا فجأه .......... ملانا الشيب
.
أمانة يا ابني ...... يوم ما اكبر
تكون في الشِدة ده ... جَملي
ويوم ما احزن .. تكون عيدي
ويوم أضعف ..... تكون إيدي
ويوم ما ايأس ... تكون أملي
.
أنا اللي في الصغر .. شيلتك
وانا اللي ب دمي كبرتك.. وشُفت الويل
ومهما يابني كات شيلتك
على كتافي .. و ف عنيا ..... باشيلها شيل
.
خدِتني الدنيا ميت لفه ...... ومَلِتني جراح
وعشت العمر باتكفى ........... عشان ترتاح
عشان مااشوفكشي يوم عايز ... وانا عاجز
تضيق الدنيا في عنيا لكن في عنيك اشوفها براح
.
أمانة ..... تبقى يوم عشي
واكون في العش ده طيرك
ماتحوجنيش .. في يوم ابدا
ل حد ف دنيتي ... غيرك
وتبقى ف ضلمتي نوري ...... وتبقى الصحبة واللمة
وتبقى ف مرضي دكتوري .. وتبقى الحضن والضمة
وتبقى ف دنيتي حضوري . وليك جوه القلوب خانة
تكمل ف الحياه .... دوري .... بصدق وطيبة وأمانة
.
ويوم ما الدنيا تكسرني
تكون ف السكه نور عيني ونَبوتي
ويوم ما الموت هيختارني
تكون دعوة تنور قبري ده في موتي
.
زماااان يا إبني ...
زمان ....... كان الضعيف انت
وانا باستقوى ....... علشانك
وبكرة اكبر قوي .... وأضعف
واكون ف الضعف محتاجك
امانه يابنى يوم ما اكبرمتوجعنيش .
أمانه يا إبني يوم ما اكبر ماتوجعنيش
و إوعى مره ب دموعي ...... تبيتني
وخد بالك من الكلمة.. ماتجرحنيش
دا أبسط كلمة لو جارحة .... تموتني
.
أنا لو هلمح ولو ثانيه ........ ف نني عنيك
بإني بقيت .. تقيل الحمل .. لحظة عليك
ساعتها الموت .... يكون أهون قوي عليا
بلاش يا إبني ... تموتني ف يوم ب ايديك
امانه يابنى .
.
أمانة يا إبني ........ يوم ما اكبر
وتفضى الدنيا ...........حواليا
ويهرب ......... كل شيئ مني
ويضعف ........ كل شيئ فيا
تشيلني ...... ف قلبك الطيب
و ماتسبنيش ... منين ماتكون
وتبقالي السند ........... يابني
وتبقالي ...... الأمان ف الكون
أمانه يابني ........ من فضلك
تكونلي ساعتها .... أب حنون.
صلاح جاهين..
إرسال تعليق
رئيكم يهمنى