انجازاتك أيه ؟

 دردشتنا النهاردة عن الحقيقه الوحيدة الثابته وهى الموت وكمان هندردش ازى تموت وانت مستريح .

الحقيقه والسراب .

بس فى البدايه عايزة اعمل مقارنه بين الحقيقه والسراب مقصود كلامى بالسراب الدنيا والحقيقه طبعا الموت .

 سمتها سراب ببساطه عشان مبتكنش عارف تملكها او هتستمتع او تحزن قد ايه .

 غير انك مش عارف خطوتك الجايه ايه والاهم مافيش حاجه ملكك كله زايل نفسر شويه مع حبه امثله .

لما تتعب وتجتهد فى حياتك عشان توصل لهدف عندك اختيارين لهدفك انك تكسب دنيا واخرة او دنيا بس ازى الكلام دة .

يعنى مثلا تذاكر وتجتهد بالساعات عشان هدفك تخش مثلا كليه معينه الساعات ديه على قلبك زى العسل بس لو فصلت 5 دقايق للصلاه ودة مقصود كلامى لاخرتك .

بتكون ال5 دقايق دول جبل على قلبك وعندك حجج كتير ولما توصل لهدفك وتخش كليتك اللى تعبت عشانها ، واشتغلت بالوظيفه اللى نفسك فيها عشان تسبيت وجودك بتدى كل وقتك لشغلك ومش فاضى لل5 دقايق اللى قولنا عليها  .

كبرت واتغنيت وعملت كل اللى نفسك فيه بس دة فى لحظه موتك مش هتاخد حاجه منه مقصود كلامى حاجه ملموسه دة حتى هدومك اللى ستراك هتسبها وتتلف بالكفن وهيبتدى حسابك .

على ال5 دقايق اللى ضيعتها يعنى تلت او نص ساعه فى يومك من 24 ساعه تصلى هتفرق فى اخرتك فى الخلود  وغير الصلاة هتسأل على امانتك وضميرك فى كل شى .

والاصعب هتتحاسب على اولادك مش كنت بتاكل وتلبس ايه لاء خالص هتسال ربتهم ازى علمتهم تعاليم دينك ولانسيت .

علمتهم الصلاه والذكاه والفروض ولانسيت .

 علمت بنتك الحجاب ولا كنت فرحان بيها ونسيت

 هتتحاسب على كل شئ سبته كل شى .

الدنيا اتوجدنا فيها علشان نعمرها بالعلم ونبنيها بالضمير والاخلاق والعبادة عشان لما نسيب كل شئ ونتحاسب عليه نبقى كسبنا دنيا واخرة .

ازى اموت وانا مستريح ؟

 اكيد الحساب مش على العبادات بس احنا كمان محتاجين درجات تعلينا فى الجنه عايزين قبرنا يبقى نور عايزينه روضه من رياض الجنه .

وصفه بسيطه خلى لسانك ديما فيه الحمد والشكر فى كل الاوقات وخصوصا وقت الضيق .

 لما تضايق وتتصدم من موقف او من انسان او من رد معجبش وكتير امثال عيشانها

 بدل ماتتضايق وتاخد ذنوب والشيطان يتدخل والنفس الامارة بالسوء تكبر الموضوع اكتر من حجمه فكر ثوانى ماكلنا هنموت والدنيا نكد 

عايز الحق واعوض اخرتى كل ماتضايق شوف انت نفسك تعوض الدنيا الفانيه ديه بالخلود ازى تنور قبرك بقراءه  قرآن نفسك ربنا يغفرلك ذنب ويجبر بخطرك اتصدق ولو بكلمه طيبه خلى لسانك رطب بذكر الله والحمد والاستغفار مع الوقت لسانك هياخد على الذكر والحمد والدعاء لما يجى وقت الموت اكيد هيبقى الموت راحه وجزاء وخلود  

 عوض ربنا ليك الموت راحه والقبر روضه من الجنه بالعبادة والذكر والاستغفار حتى وانت جالس فى وسط الناس استغفر فى سرك هتبقى طبيعه وانت الكسبان ان شاء الله .

انت المسئول . 

انت المسئول بايدك تخلى دنيتك حلوة حتى لو هى سراب 

ديما ركز ان سيرتك تبقى عمرها اطول منك بالخير وانك تخدم غيرك من شغلك وضميرك ومن علم علمته لغيرك , من جبر للخواطر , من صدقه جاريه.

 انقطع عمل ابن ادم الا من ثلاث عمل صالح وعلم ينتفع به وابن صالح يدعو له ومن رحمه ربنا ان اللى مش بيخلف ربنا بيسخر اللى يدعيله ديما نهايه الدعوات بالرحمه لموتنا وموتى المسلمين .

الدين جميل وسهل وبايدك تعمل كل اللى نفسك فيه وتكسب دنيا وانت مستريح واخرة وانت مستريح .

 ومتنساش كل ألم حتى ألم الفكر ربنا بيعطيك عليه ثواب يعنى بتتعب شويه وانت اللى كسبان .

وفى الاخر بايدك انت بس الاختيار .

ربنا يرزقنا جميعا حسن الختام اللهم اجعل خير ايامى يوم لقاك .